Mar 3 • 13M

കേരളവും മലയാളിയുടെ ചരിത്ര ജീവിതവും - എപ്പിസോഡ് 9

അരികുവൽകരിക്കപ്പെട്ടവരുടെ ഉൾക്കൊള്ളൽ ചരിത്രം (Inclusive History)

2
2
 
1.0×
0:00
-12:32
Open in playerListen on);
History For Everyone
Episode details
2 comments

കേരളം മധ്യകാലത്തിലേക്ക്: സമ്പദ് വ്യവസ്ഥയും സമൂഹ രൂപവും

പ്രാചീന കേരളവും ചേര പെരുമാക്കന്മാരുടെ കാലവും

പ്രാചീന കേരളത്തിൽ മനുഷ്യനും പ്രകൃതിയും ജൈവ പാരിസ്ഥിതിക വ്യൂഹവും തമ്മിലുള്ള പാരസ്പര്യം ജീവന പ്രക്രിയകളെയും അധിവാസരൂപങ്ങളെയും വളരെയേറെ സ്വാധീനിച്ചിരുന്നു. വിവിധ തിണകളിലെ ജൈവ പാരിസ്ഥിതിക ഇടങ്ങൾക്കും ലഭ്യമായ വിഭവങ്ങൾക്കും അനുസരിച്ചാണ് പ്രാചീനകേരളത്തിലെ മനുഷ്യർ അതിജീവന രൂപങ്ങൾ നിലനിർത്തിയത്. ജൈവ പ്രകൃതിയും പാരിസ്ഥിതിക വ്യൂഹവും മനുഷ്യരുടെ അതിജീവന രൂപങ്ങളും ഭക്ഷ്യ ശേഖരണവും ഭക്ഷ്യ ഉൽപാദനവും വ്യത്യസ്ത തിണ നിലങ്ങളിൽ നിലനിർത്തി. വിവിധ തരത്തിലുള്ള വിഭവങ്ങളുടെ പാരസ്പര്യ പകർച്ചകളും കൈമാറ്റങ്ങളും വിവിധ തിണ നിലങ്ങളിലെ ഗോത്ര ജനസഞ്ചയങ്ങളെ പരസ്പരാശ്രിത ജനതകളായ കുടി സമൂഹങ്ങളായി അതിജീവിപ്പിച്ചു. പശ്ചിമഘട്ട മലനിരകളിൽ നിന്നും കാട്ടിൽ നിന്നും ശേഖരിച്ച കാട് വിഭവങ്ങളും പറമ്പ് ഭൂമികളിൽ വിളയിച്ച പലവിധ വ്യജ്ഞനങ്ങളും, മലകളിലെ ചുരങ്ങളും നെടുവഴികളും താണ്ടി പുഴകളിലൂടെയും വഴികളിലൂടെയും കടൽതീര കൈമാറ്റ കേന്ദ്രങ്ങളിലെ പട്ടണങ്ങളിലെത്തി.

യവനരും റോമക്കാരും ആദ്യകാല കച്ചവട സംഘങ്ങളായി പടിഞ്ഞാറൻ തീരങ്ങളിലെത്തി. പിന്നീട് പശ്ചിമേഷ്യക്കാരും ചൈനക്കാരും അറബികളും ഇന്ത്യൻ മഹാസമുദ്ര വാണിജ്യത്തിലും അറബിക്കടൽ കച്ചവടത്തിലും സജീവ പങ്കാളികളായി മാറി. ഇടനാട്ടിലെ നദീതടങ്ങളിലും എക്കലടിഞ്ഞ നീർതടങ്ങളിലും കലപ്പയും കാളയും പോത്തിനെയും ഉപയോഗിച്ച് നീർനില നെൽക്കൃഷി ഇടങ്ങളായി മാറ്റിയെടുത്ത ഉഴവർ കുലങ്ങൾ, സ്ഥിരക്കൃഷി ഇടനാട്ടിലെ പ്രധാന കാർഷിക പ്രവർത്തിയായി വികസിപ്പിച്ചു. ആദ്യകാല കാർഷിക ഊരുകൾ ഇത്തരം ഉഴവർ കുടികളുടെ പണിനിലങ്ങളും കുടിയിടങ്ങളുമായി മാറി. പറമ്പു ഭൂമിയിൽ പാർപ്പു രൂപങ്ങൾ പുരയിടങ്ങളായി വളർന്നു വന്നു. പറമ്പ്-പുരയിട പ്രദേശങ്ങൾ ബഹുവിളക്കൃഷിയുടെയും വ്യജ്ഞനങ്ങളുടെയും പലചരക്കുകളുടെ ഉൽപാദന ഇടങ്ങളായി മാറി. കുടി ജനതകൾ കുലബന്ധങ്ങൾ അനുസരിച്ച് തലമുറക്രമങ്ങളും തൊഴിൽ നിപുണതയും പാരമ്പര്യമായി പകരുന്നതും സ്വഗോത്ര വിവാഹവും പ്രജനന ബന്ധങ്ങളും നിലനിർത്തുന്നതുമായ പ്രാദേശിക സാമൂഹിക സംഘാതമായി നിലനിന്നു. ഇത്തരം കുടിസമൂഹങ്ങൾ വിവിധ തൊഴിൽ കൂട്ടങ്ങളും പ്രാദേശിക സമൂഹങ്ങളുമായ സ്വതന്ത്ര ജനവംശ (ethnic groups) വിഭാഗങ്ങളുമായി വളർന്നു വന്നു.


കാടും നാടും കൂടി നിലനിന്ന കേരളത്തിന്റെ ജൈവ പാരിസ്ഥിതിക വ്യവസ്ഥയിൽ കിഴക്കൻ മലമേഖലയും പടിഞ്ഞാറൻ കടലും കടൽ തീരവും കായലുകളും ഉൾനാടൻ ജലാശയവും ചതുപ്പുനിലങ്ങളും കരി ഭൂമിയും വെള്ളകെട്ടുകളും പ്രധാന പാരിസ്ഥിതിക മേഖലകളാണ്. ഇടനാട്ടിലെ നദീതടങ്ങളും നീർനില കൃഷിയിടങ്ങളും പറമ്പ് ഭൂമിയും പുരയിടങ്ങളും കേരളത്തിന്റെ പാരിസ്ഥിതികവും സാമൂഹികവുമായ ചരിത്ര പ്രക്രിയകളുടെ സവിശേഷതയാണ്. ഈ പ്രദേശങ്ങളിൽ വിവിധ കുടിജനസഞ്ചയങ്ങൾ പലവിധ ജനവംശ വിഭാഗങ്ങളായി കുല ബന്ധങ്ങൾ നിലനിർത്തി വിവിധ ജീവിതവൃത്തികളിൽ ഏർപ്പെട്ടു.


കാടും നാടും കൂടി നിലനിന്ന കേരളത്തിന്റെ ജൈവ പാരിസ്ഥിതിക വ്യവസ്ഥയിൽ കിഴക്കൻ മലമേഖലയും പടിഞ്ഞാറൻ കടലും കടൽ തീരവും കായലുകളും ഉൾനാടൻ ജലാശയവും ചതുപ്പുനിലങ്ങളും കരി ഭൂമിയും വെള്ളകെട്ടുകളും പ്രധാന പാരിസ്ഥിതിക മേഖലകളാണ്. ഇടനാട്ടിലെ നദീതടങ്ങളും നീർനില കൃഷിയിടങ്ങളും പറമ്പ് ഭൂമിയും പുരയിടങ്ങളും കേരളത്തിന്റെ പാരിസ്ഥിതികവും സാമൂഹികവുമായ ചരിത്ര പ്രക്രിയകളുടെ സവിശേഷതയാണ്. ഈ പ്രദേശങ്ങളിൽ വിവിധ കുടിജനസഞ്ചയങ്ങൾ പലവിധ ജനവംശ വിഭാഗങ്ങളായി കുല ബന്ധങ്ങൾ നിലനിർത്തി വിവിധ ജീവിതവൃത്തികളിൽ ഏർപ്പെട്ടു. കൃഷിയുടെയും കൈമാറ്റങ്ങളുടെയും വളർച്ചയുടെ ഭാഗമായി ഈ ജനസഞ്ചയങ്ങൾ വ്യത്യസ്ത സാമൂഹിക വിഭാഗങ്ങളായി, വിഭവ ഉൽപാദനത്തിന്റെയും കൈമാറ്റത്തിന്റെയും ഭാഗമായി സാമൂഹികമായി വേറും കൂറും പേരും തലമുറ ക്രമങ്ങളുമുള്ള സാമൂഹിക കൂട്ടായ്മകളായി വളർന്നു വന്നു.

ഭൂമിയുടെയും അതിൽ ഉൽപാദിപ്പിക്കുന്ന വിഭവങ്ങളുടെയും അതിന്റെ കൈമാറ്റത്തിന്റെയും മേൽ നിയന്ത്രണമേർപ്പെടുത്തിയ പ്രാദേശിക കുലങ്ങളും കോയ്മകളും മലനാഥന്മാരും നാട്ടു കോയ്മകളുമായി രൂപപ്പെട്ടു വന്നു. പറമ്പ് പുരയിട മേഖലകളിലെ ബഹുവിളക്കൃഷിയും പുനം കൃഷിയും, ഇടനാട്ടിലെ നീർനില കൃഷിയും നിലനിർത്തിയ ഉഴവർ കുലങ്ങൾക്കു മേൽ ഇത്തരം കോയ്മകൾ ആധിപത്യമുറപ്പിച്ചു. കടൽവാണിജ്യത്തിനെത്തുന്ന മലഞ്ചരക്കുകളുടെ കൈമാറ്റത്തിന്റെ ഇടങ്ങളായ കടൽ തീരപട്ടണങ്ങളെ ഇത്തരം നാട്ടു കോയ്മകൾ നിയന്ത്രിച്ചു. നാടും ഊരും കുടികളും കൈമാറ്റ ചന്തകളും കടൽതീരപട്ടണങ്ങളും വിഭവ ഉൽപാദനത്തിന്റെയും കൈമാറ്റത്തിന്റെയും പുനർവിതരണത്തിന്റെയും പ്രധാന സ്ഥാനങ്ങളും ബന്ധങ്ങളുമായി മാറി. നാട്ടു കോയ്മകളായ വിവിധ നാട്ടുടയവർ നാടിന്റെ മേൽ അധികാരം സ്ഥാപിച്ച പ്രാദേശിക ശക്തികളായി നിലനിന്നു. പരദേശി കുടിയേറ്റക്കാർ ബ്രാഹ്‌മണരും ബുദ്ധ-ജൈന സംഘങ്ങളുമായിരുന്നു. ഡക്കാനിൽ നിന്നും തമിഴകത്തിന്റെ വിവിധ ഭാഗങ്ങളിൽ നിന്നും പലവിധ ആളുകളും ആശയങ്ങളും കുടിയേറി കേരളത്തിലെത്തി.

ബ്രാഹ്‌മണരെ ക്ഷണിച്ചു കൊണ്ടുവന്ന് കുടിയിരുത്തിയ നാട്ടു കോയ്മകൾ, കുടികൾ കൃഷി ചെയ്തുണ്ടാക്കിയ വിഭവങ്ങൾ കുടിയേറി എത്തിയ ബ്രാഹ്‌മണർക്ക് ദാനമായി നൽകിയാണ് ബ്രാഹ്‌മണരെ കുടിയിരുത്തിയത്. കർഷകരായ കുടിസമൂഹങ്ങൾക്ക്, അവരുടെ ഊരുകളിലെ നീർനിലങ്ങളിൽ അവർ ഉൽപാദിപ്പിച്ച വിഭവങ്ങൾ നാട്ടുടയവരുടെയും പ്രാദേശിക ഭൂവുടമകളുടെയും നിയന്ത്രങ്ങൾക്കും നിർദ്ദേശങ്ങൾക്കും വിധേയമായി ബ്രാഹ്‌മണ സംഘങ്ങൾക്ക് കാഴ്ച്ചയായി നൽകേണ്ടിവന്നു. തങ്ങളുടെ ഉൽപന്നങ്ങളുടെ വലിയ ഒരു പങ്ക് മേർപാതിയായി കുടിയേറി എത്തിയ ബ്രാഹ്‌മണർക്കും അവരുടെ ക്ഷേത്രങ്ങൾക്കും കർഷക കുടികൾക്ക് കടമയായി നൽകേണ്ടി വന്നു. ക്ഷേത്രങ്ങൾക്കും ബ്രാഹ്‌മണ ഗ്രാമങ്ങൾക്കും കർഷക കുടികൾ നൽകി ഉൽപന്നങ്ങൾ വിളയുന്ന കാർഷിക നിലങ്ങൾക്ക് മേൽ ഇത് ബ്രാഹ്‌മണർക്കും ക്ഷേത്രങ്ങൾക്കും സ്ഥിരമായ ഭൂനിയന്ത്രണവ്യവസ്ഥ സ്ഥാപിച്ചെടുക്കുന്നതിന് കാരണമായി. ഇതിനാവശ്യമായ നിയമങ്ങൾ ബ്രാഹ്‌മണർ വ്യവസ്ഥകളാക്കി മാറ്റി.


ബ്രാഹ്‌മണരെ ക്ഷണിച്ചു കൊണ്ടുവന്ന് കുടിയിരുത്തിയ നാട്ടു കോയ്മകൾ, കുടികൾ കൃഷി ചെയ്തുണ്ടാക്കിയ വിഭവങ്ങൾ കുടിയേറി എത്തിയ ബ്രാഹ്‌മണർക്ക് ദാനമായി നൽകിയാണ് ബ്രാഹ്‌മണരെ കുടിയിരുത്തിയത്. കർഷകരായ കുടിസമൂഹങ്ങൾക്ക്, അവരുടെ ഊരുകളിലെ നീർനിലങ്ങളിൽ അവർ ഉൽപാദിപ്പിച്ച വിഭവങ്ങൾ നാട്ടുടയവരുടെയും പ്രാദേശിക ഭൂവുടമകളുടെയും നിയന്ത്രങ്ങൾക്കും നിർദ്ദേശങ്ങൾക്കും വിധേയമായി ബ്രാഹ്‌മണ സംഘങ്ങൾക്ക് കാഴ്ച്ചയായി നൽകേണ്ടിവന്നു.


കാർഷിക കുടികൾ ഉൽപാദിപ്പിക്കുന്ന കൃഷി നിലങ്ങൾക്കു മേൽ ബ്രാഹ്‌മണർ കാരായ്മ-മിതാട്ചി വ്യവസ്ഥയും ഊരായ്മ അവകാശവുമായി ഭൂനിയമങ്ങൾ ചാർത്തിയെടുത്ത് നിയന്ത്രിച്ചു. ഭൂമിയുടെ മേൽ നിയന്ത്രണം സ്ഥിരമായി സ്ഥാപിച്ചെടുത്തപ്പോൾ ഇത്തരം ഭൂനിയന്ത്രണവ്യവസ്ഥകൾ ബ്രാഹ്‌മണരുടെയും ക്ഷേത്രങ്ങളുടെയും സ്വത്തു വ്യവസ്ഥയും നിയമപരമായ അവകാശവുമായി മാറി. നാട്ടുടയവരുടെയും ചേര പെരുമാക്കന്മാരുടെയും രാഷ്ട്രീയ സംരക്ഷണത്താൽ ഇത്തരം ഭൂവുടമസ്ഥ അവകാശങ്ങൾ ബ്രാഹ്‌മണ ഗ്രാമങ്ങളും ക്ഷേത്രങ്ങളും ബ്രഹ്‌മസ്വം ദേവസ്വം ഭൂവുടമസ്ഥതയാക്കി നിലനിർത്തി. ഇത്തരം ഭൂമികൾ ബ്രാഹ്‌മണ ഗ്രാമങ്ങളുടെയും ക്ഷേത്രങ്ങളുടെയും കൂട്ടായ സ്വത്തായി നിലനിർത്തുന്നതിനും സ്വത്തുക്കൾ അന്യാധീനപ്പെടാതിരിക്കാനും നിയമപരവും രാഷ്ട്രീയവുമായ സംരക്ഷണ-നിയന്ത്രണങ്ങൾ ചേര പെരുമാക്കൻമാരുടെ സഹായത്തോടെ സ്ഥാപിച്ചെടുത്തു. ഈ നിയമങ്ങൾ കച്ചങ്ങൾ എന്ന പേരിൽ അറിയപ്പെട്ടു.

കാർഷിക ഗ്രാമങ്ങൾ രൂപപ്പെട്ടു വരുന്നത് കാർഷിക കുടി ജനങ്ങളുടെ കാർഷിക ഇടങ്ങൾ എന്ന മട്ടിലായിരുന്നു. ഇത്തരം വിവിധ ഊരുകളിൽ പലവിധ ജീവിത പ്രക്രിയകളിൽ ഏർപ്പെട്ട കുടി ജനതകൾ കാർഷിക കുടികളും കമ്മാള കുടികളും പലവിധ കൈത്തൊഴിൽ വിഭാഗങ്ങളുമായി വികസിച്ചുവന്നു. ചേര പെരുമാക്കന്മാരുടെ കാലഘട്ടത്തിൽ (800 എഡി. മുതൽ 1124 എഡി വരെ) ഊരും കുടിയും നാടും ആയിരുന്നു കാർഷിക ഉൽപാദനത്തിന്റെയും വിഭവ സമാഹരണത്തിന്റെയും പ്രധാന ഇടങ്ങളും ജനസഞ്ചയങ്ങളും. വിവിധ നാടുകൾ കാർഷിക ഇടങ്ങളും കാർഷിക ഉൽപാദനത്തിന്റെയും അധിവാസത്തിന്റെയും നിർമ്മിതി ഇടങ്ങൾ കൂടിയായിരുന്നു. ബ്രാഹ്‌മണ ഗ്രാമങ്ങളും നാടുകളും തമ്മിൽ വിഭവ ഉൽപാദനം അധികാര കോയ്മ എന്നീ കാര്യങ്ങളിൽ പാരസ്പര്യപ്പെട്ടാണ് നിലനിന്നത്. നാട്ടു കോയ്മകളും ബ്രാഹ്‌മണരും ക്ഷേത്രങ്ങളും ചേര പെരുമാക്കന്മാരും തമ്മിൽ നിലനിന്ന പരസ്പര സഹകരണവും സാധൂകരണ പ്രക്രിയ നാടുകളിലും ഊരുകളിലും അധിവസിച്ച കുടി ജനതകളെ അടിച്ചമർത്തുകയും സാമൂഹികമായി പുറന്തള്ളുകയും ചെയ്തു. വിവിധ നാടുകളിലെ നീർനിലങ്ങളിലും പറമ്പു ഭൂമികളിലും നടന്ന കാർഷിക വികാസത്തിന്റെ ഭാഗമായി ആദ്യകാല കാർഷിക കുലങ്ങളിൽ ഒരു വിഭാഗം നാട്ടു കോയ്മകളുടെയും ബ്രാഹ്‌മണ ഊരുകളുടെയും ക്ഷേത്രങ്ങളുടെയും നിയന്ത്രണത്തിലായ ഭൂമികളിൽ നിർബന്ധിതരായി പണിയെടുക്കേണ്ട ആളടിയാരും അടിമകളുമായി മാറി.

മധ്യകാല കേരളം: സമ്പദ് വ്യവസ്ഥയും സമൂഹ രൂപവും

മധ്യകാല സമൂഹത്തിലേക്കുള്ള പരിവർത്തനം പെരുമാക്കന്മാരുടെ കാലത്തെ സാമ്പത്തിക സാമൂഹിക ക്രമത്തിൽ നിന്നും രാഷ്ട്രീയ രൂപത്തിൽ നിന്നും പലതരത്തിലുള്ള മാറ്റങ്ങൾ രൂപപ്പെട്ടുകൊണ്ടാണ് ഉണ്ടായി വന്നത്. ഭൂമിയുടെ വിനിയോഗത്തിലും ഉടമസ്ഥതയിലും കാർഷിക ഉൽപാദനരംഗത്തും മാറ്റങ്ങൾ ഉണ്ടായി വന്നു. കാർഷിക വിഭവങ്ങളുടെ ഉൽപാദനം സങ്കീർണ്ണവും വിപുലവുമായി തീർന്നു. നിലം, പുരയിടം, പറമ്പ്, കരി ഭൂമികൾ, കരപ്പാടം, തോട്ടം എന്നിങ്ങനെ ഭൂമിയുടെ വിനിയോഗങ്ങൾ പലവിധമായി. കാട്, കര, തരിശ് തുടങ്ങിയവ ഭൂമിയുടെ ഉൽപാദനക്ഷമതയെ സൂചിപ്പിക്കുന്നതായി മാറി. ചേര കാലത്തെ ബ്രാഹ്‌മണ ഊരുകളും ബ്രാഹ്‌മണ ഇതര ഊരുകളും അതിന്റെ തുടർച്ച നിലനിർത്തുന്നതോടൊപ്പം പലവിധ മാറ്റങ്ങൾക്കും വിധേയമാകുന്നതാണ് ഭൂമിയുടെ തരംതിരിവും ഉൽപാദന പ്രവർത്തനങ്ങളിലെ വൈവിധ്യവും കാണിക്കുന്നത്. പറമ്പ് ഭൂമിയിലെ കൃഷിയുടെ വ്യാപനവും നാണ്യവിളകളുടെ പെരുപ്പവും ബഹുവിള കൃഷിയുടെ വ്യാപനവും കാർഷിക പ്രവർത്തനങ്ങൾ ഇതുവരെ വ്യാപിക്കാത്ത മേഖലകളിലേക്ക് കൃഷി വികസിച്ചതിനെ സൂചിപ്പിക്കുന്നു. നീർനില പ്രദേശങ്ങളും ചതുപ്പു ഭൂമികളും കായൽ പ്രദേശങ്ങളും കാടുമേഖലയും കൃഷിക്ക് ഉയുക്തമാക്കുന്ന പ്രക്രിയ വർദ്ധിച്ചു വന്നു.


ബ്രാഹ്‌മണർ കാരായ്മ-മിതാട്ചി വ്യവസ്ഥയും ഊരായ്മ അവകാശവുമായി ഭൂനിയമങ്ങൾ ചാർത്തിയെടുത്ത് നിയന്ത്രിച്ചു. ഭൂമിയുടെ മേൽ നിയന്ത്രണം സ്ഥിരമായി സ്ഥാപിച്ചെടുത്തപ്പോൾ ഇത്തരം ഭൂനിയന്ത്രണവ്യവസ്ഥകൾ ബ്രാഹ്‌മണരുടെയും ക്ഷേത്രങ്ങളുടെയും സ്വത്തു വ്യവസ്ഥയും നിയമപരമായ അവകാശവുമായി മാറി.


പറമ്പ് ഭൂമിയുടെ വ്യാപനം കാടുകൾ വെട്ടിത്തെളിച്ച് നാണ്യവിളകളും ബഹുവിളകളും കൃഷി ചെയ്യുന്ന പ്രക്രിയ ത്വരിതപ്പെടുത്തി. ഇത് കാർഷിക സമൂഹങ്ങളായ കുടി ജനങ്ങളുടെയും, അധ്വാനസമൂഹങ്ങളായ ആളടിമകളുടെയും വർദ്ധനവിനെയും കാർഷിക പ്രവർത്തനത്തിൽ ഇത്തരം ഉൽപാദക സമൂഹങ്ങളുടെ വർദ്ധിതമായ അളവിലുള്ള പങ്കാളിത്തത്തെയും കാണിക്കുന്നു. മറ്റൊന്ന്, കൈമാറ്റം കച്ചവടം വാണിജ്യം എന്നിവയുടെ വളർച്ചയാണ്. പിൽകാല ചേര കാലഘട്ടത്തെ തുടർന്ന് പണവിനിമയങ്ങൾ വർദ്ധിക്കുകയും നാണയ സമ്പദ്ക്രമം വിപുലപ്പെടാനും തുടങ്ങി. പണമിടപാടുകളിൽ ഏർപ്പെടുന്നവരും കച്ചവട പ്രവർത്തനങ്ങളും പ്രാദേശികവും ഭൂഗോള തെക്കുവടക്കൻ (Global South and North) പ്രദേശവുമായിട്ടുള്ള വാണിജ്യ ബന്ധങ്ങളുമായി മധ്യകാല കേരളത്തെ നേരിട്ട് ബന്ധിപ്പിച്ചു. ഇത് കൈമാറ്റം, കച്ചവടം, വാണിജ്യം എന്നീ രംഗങ്ങളിൽ പുതിയ മാറ്റങ്ങൾ സൃഷ്ടിച്ചു. പശ്ചിമേഷ്യക്കാർ, ചൈനക്കാർ, അറബികൾ മുതലായവരും പിന്നീട് യൂറോപ്യന്മാരും കേരള തീരത്ത് കച്ചവട വാണിജ്യ പ്രവർത്തനങ്ങൾ സജീവമാക്കി.

സമൂഹ രൂപീകരണത്തിലും രാഷ്ട്രീയ ക്രമത്തിലും ഈ പരിവർത്തനങ്ങൾ മാറ്റങ്ങൾ ഉണ്ടാക്കി. സാമൂഹിക ശ്രേണീകരണ പ്രക്രിയ സങ്കീർണ്ണമായ ജാതി ബന്ധങ്ങൾ രൂപപ്പെടുത്തുന്നതിന് കാരണമായി. ഇത് സാമൂഹികമായ പുറന്തള്ളലിനും കാർഷിക കൈവേല സമൂഹങ്ങളെയും അധ്വാനിക്കുന്ന ജാതി അടിമകളെയും അടിച്ചമർത്തി ചൂഷണം ചെയ്യുന്നതിനും കാരണമായി. സമ്പദ് ക്രമത്തിന്റെയും സാമൂഹിക വേർതിരിവിന്റെയും രാഷ്ട്രീയ ഘടനയുടെയും വ്യവസ്ഥകൾ സ്ഥാപനപരമായ ക്രമപ്പെടലുകളായി സാമൂഹിക ബന്ധങ്ങളിലും ലിംഗപരമായ വേർതിരിവിലും പുതിയ വ്യവസ്ഥകൾ സൃഷ്ടിച്ചു. ചേര കാലത്തു നിലനിന്ന നാടുകളിൽ ചിലത് നാടുവാഴി ഭൂപ്രദേശമായി മാറി.

നാടുവാഴി കോവിലങ്ങൾ എന്നറിയപ്പെട്ട നാട്ടധികാരത്തിന്റെ വിപുലമായ കുടുംബഘടന സ്വരൂപ അധികാര രാഷ്ടീയ ക്രമമായി വളർന്നുവന്നു. ഭൂസ്വത്തു വ്യവസ്ഥ കൂട്ടുകുടുംബങ്ങളുടെ സ്വത്ത് അധികാര രൂപമായി വളർന്ന് വരികയും പാരമ്പര്യ ജന്മാവകാശമായി ജന്മിത്തവ്യവസ്ഥയായി വികസിക്കുകയും ചെയ്തു. ജന്മിമാർക്ക് പണം കടംവായ്പ കൊടുത്ത് ഭൂമി ഈടായി വാങ്ങുകയും അത്തരം ഭൂമികളിൽ കാണ കുടിയാൻമാരെക്കൊണ്ട് കൃഷി ചെയ്യിക്കുന്ന രീതി വളർന്നു വന്നു. ഇവർ ഇടത്തരക്കാരായി മാറുകയും പണവിനിമയത്തിലും കാർഷിക പ്രവർത്തനത്തിലും ഇടപെട്ടതു വഴി കാണക്കാർ എന്ന ഒരു സാമ്പത്തിക വിഭാഗമായി മാറിത്തീരുകയും ചെയ്തു. ഇവർ സമ്പദ് വ്യവസ്ഥയിൽ പുതിയ ഇടപാടുകാരായി മാറി. കാണം, പണയം, ഒറ്റി, കടം വായ്പ മുതലായവ കാർഷിക ഘടനയും പണവിനിമയങ്ങളും കൂടി നില്ക്കുന്നതിന്റെ വിനിമയ ബന്ധങ്ങളായി മാറി. ജന്മിത്തവും കാണവ്യവസ്ഥയും ജാതിയും കൂടിച്ചേർന്ന സമൂഹ രൂപം മധ്യകാല രാഷ്ട്രീയ സമ്പദ് വ്യവസ്ഥയുടെ അടിത്തറയായി മാറി.

Thanks for reading Historica! Subscribe for free to receive new posts and support my work.