Mar 24 • 17M

കേരളവും മലയാളിയുടെ ചരിത്ര ജീവിതവും - എപ്പിസോഡ് 11

അരികുവൽകരിക്കപ്പെട്ടവരുടെ ഉൾക്കൊള്ളൽ ചരിത്രം (Inclusive History)

1
 
1.0×
0:00
-16:36
Open in playerListen on);
History For Everyone
Episode details
Comments

മധ്യകാല സമൂഹവും ജാതി ബ്രാഹ്‌മണ്യവും

ജാതിബ്രാഹ്‌മണ്യവും വേർതിരിവ് വ്യവസ്ഥയും

തമിഴകത്ത് വളർന്നു വന്ന ബ്രാഹ്‌മണ ഗ്രാമവ്യവസ്ഥയായ ബ്രഹ്‌മതേയങ്ങളും ക്ഷേത്രവ്യവസ്ഥയും രൂപപ്പെടുത്തിയ ആചാരപദ്ധതികളായിരുന്നു ബ്രാഹ്‌മണ്യ ആഗമക്രമങ്ങളും സ്മാർത്തപാരമ്പര്യവും. ഇവ കേരളത്തിൽ വളർന്നു വന്ന ക്ഷേത്രവ്യവസ്ഥയ്ക്ക് അനുസൃതമായി ചിട്ടപ്പെടുത്തിയെടുക്കാൻ നമ്പൂതിരി ബ്രാഹ്‌മണർ ശ്രമിച്ചു. പ്രാദേശികമായി നിലനിന്ന പല വിധ ഗോത്രാരാധനാ രീതികളും പ്രാദേശിക സമൂഹങ്ങളുടെ അനുഷ്ഠാന ക്രമങ്ങളും ഉൾച്ചേർത്തുകൊണ്ടാണ് ഇത് സാധ്യമായത്. ദക്ഷിണേന്ത്യയിലെ ബ്രഹ്‌മയാമളത്തെ അടിസ്ഥാനമാക്കി ഒരു ക്ഷേത്ര അനുഷ്ഠാന പദ്ധതി കേരളത്തിലെ നമ്പൂതിരി ബ്രാഹ്‌മണർക്ക് ചിട്ടപ്പെടുത്താൻ കഴിഞ്ഞു. ഇത്തരം ക്ഷേത്രചിട്ടകളെ ശൈവ-വൈഷ്ണവ മൂർത്തി പാരമ്പര്യത്തിലേക്കും ദേവതാസങ്കല്പത്തിലേക്കും അത്യാരോപിച്ചുകൊണ്ടാണ് കേരളത്തിലെ നമ്പൂതിരി ബ്രാഹ്‌മണ്യം അനുഷ്ഠാനകോയ്മ ഒരു അധികാര സംവിധാനമായി വികസിപ്പിച്ചെടുത്തത്. അനുഷ്ഠാന ചിട്ടകളെ കീഴ്‌വഴക്കവും ക്ഷേത്രപാരമ്പര്യവുമാക്കി രൂപപ്പെടുത്തുകയും ചെയ്തു. പിന്നീടവ പ്രയോഗമഞ്ചരി, വിഷ്ണുസംഹിത എന്നിങ്ങനെയുള്ള ഗ്രന്ഥ പാരമ്പര്യങ്ങളാക്കി ക്ഷേത്ര വ്യവസ്ഥയുടെ ക്രമങ്ങളാക്കി മാറ്റി. വേദ ഇതിഹാസ പുരാണ പാരമ്പര്യങ്ങൾക്കും സ്മാർത്ത ആഗമ അനുഷ്ഠാന ക്രമത്തിനും അനുസൃതമായി ക്ഷേത്ര ആചാര വ്യവസ്ഥകളെ പരിക്രമിപ്പിക്കാൻ ഇത്തരം ആചാരപദ്ധതികൾ സഹായകമായി. ഇതുമൂലം ധർമ്മശാസ്ത്രവിധികളും നമ്പൂതിരി ബ്രാഹ്‌മണ്യവും ഇതിഹാസ പുരാണങ്ങളും കൂടിച്ചേർന്ന ഒരു വ്യവസ്ഥ ക്ഷേത്രബ്രാഹ്‌മണ്യമായി കേരളത്തിൽ വികസിച്ചു വന്നു.

ക്ഷേത്രങ്ങളിൽ നമ്പൂതിരിമാർക്കുള്ള സൗജന്യ ഊട്ടു ഉത്സവങ്ങൾ പിരാമണ/ബ്രാഹ്‌മണ അക്കിരങ്ങളായി നിലനിർത്തപെട്ടു. അടിയാർ സമൂഹങ്ങളും കുടിജനസഞ്ചയങ്ങളും ഉത്പാദിപ്പിക്കുന്ന വിഭവങ്ങളെ കൊള്ളചെയ്യുന്ന ഇത്തിൾക്കണ്ണി വ്യവസ്ഥയായി ഇത് മാറി. ഭൂനിയന്ത്രണ രീതികളും ക്ഷേത്രവ്യവസ്ഥയും പാരസ്പര്യപ്പെട്ടാണ് വളർന്നുവന്നത്. ഇതുകൊണ്ടാണ് നമ്പൂതിരി ബ്രാഹ്‌മണ്യം അധ്വാനസമൂഹങ്ങളെ ചൂഷണം ചെയ്തു വളരുന്ന ഇത്തിൾക്കണ്ണി സംസ്‌കാരമായി നിലനിന്നത്. ഇതിന്റെ ഭാഗമായി ക്ഷേത്രങ്ങളിൽ ഇതിഹാസപുരാണപാരമ്പര്യം മഹാഭാരതം വായനയും ബ്രാഹ്‌മണ ഊട്ടും കാൽകഴുകിച്ചൂട്ട് പോലുള്ള ആഢ്യ ആരാധന ക്രമങ്ങളുമായി നിലനിന്നു.


ക്ഷേത്രങ്ങളിൽ നമ്പൂതിരിമാർക്കുള്ള സൗജന്യ ഊട്ടു ഉത്സവങ്ങൾ പിരാമണ/ബ്രാഹ്‌മണ അക്കിരങ്ങളായി നിലനിർത്തപെട്ടു. അടിയാർ സമൂഹങ്ങളും കുടിജനസഞ്ചയങ്ങളും ഉത്പാദിപ്പിക്കുന്ന വിഭവങ്ങളെ കൊള്ളചെയ്യുന്ന ഇത്തിൾക്കണ്ണി വ്യവസ്ഥയായി ഇത് മാറി.


ബ്രാഹ്‌മണ ഗ്രാമങ്ങളുടെ വികാസത്തിന്റെ ഭാഗമായി ക്ഷേത്ര ബ്രാഹ്‌മണ്യം അതിന്റെ ആരാധനാ ക്രമത്തിലേക്കും മീമാംസക തന്ത്ര പാരമ്പര്യത്തിലേക്കും ഒട്ടനവധി സാമൂഹിക വിഭാഗങ്ങളെ ഉൾച്ചേർത്തു. സമൂഹത്തിൽ രാഷ്ട്രീയ സാമ്പത്തിക അധികാരം കയ്യാളിയവരായിരുന്നു ഇവർ. നാടുകളിൽ കോയ്മ സ്ഥാപിച്ച നാട്ടുടയവർ, ചേര പെരുമാക്കന്മാർ, ക്ഷേത്രങ്ങളിലെ ഊരാളർ, അബ്രാഹ്‌മണ ഭൂവുടമകളും ബ്രാഹ്‌മണ ഗ്രാമങ്ങളിലും ക്ഷേത്രസ്വത്തിലും ഇടനില സ്ഥാനമുണ്ടായിരുന്ന ഇടയീടർ, കീഴീടർ എന്നിങ്ങനെ വിവിധ സ്ഥാനമാനങ്ങളിൽ നിലനിന്നവരായിരുന്നു ഇവർ. വിവിധ കാരാളർ വിഭാഗങ്ങൾ പെരുമാക്കന്മാരുടെയും നാട്ടുടയവരുടെയും പടജനങ്ങളും കാവൽക്കാരും പ്രവർത്തിക്കാരും, ക്ഷേത്രത്തിലെ തൊഴിൽസമൂഹങ്ങൾ എന്നിങ്ങനെ ഒട്ടനവധി വിഭാഗങ്ങൾ ഇതിന്റെ ഭാഗമായി. ബ്രാഹ്‌മണ്യമൂല്യങ്ങളുടെയും ക്ഷേത്ര ആചാര വ്യവസ്ഥയുടെയും നടത്തിപ്പുകാരായി ഇവർ മാറി. ബ്രാഹ്‌മണ്യ ജാതികോയ്മ വേർതിരിവു സ്ഥാനമാനങ്ങളുടെയും മേൽകീഴ് ബന്ധവ്യവസ്ഥയുടെയും അടിപ്പടവായി തീർന്നത് സമ്പദ് വ്യവസ്ഥയിലും അധികാര ക്രമത്തിലും പിടിമുറുക്കിക്കൊണ്ടായിരുന്നു. ഭൂവുടമകളോടും ചേരപെരുമാക്കന്മാരോടും നാട്ടുകോയ്മകളോടും നാടുവാഴി കോവിലകങ്ങളോടും പറ്റിനിന്ന ആശ്രിതവിഭാഗങ്ങളും പടജനങ്ങളും ക്ഷേത്രോപജീവികളും ബ്രാഹ്‌മണ്യമൂല്യബോധം ജീവിതസംസ്‌കാരമായി നിലനിർത്തിയവരായി ചേര കാലത്തു തന്നെ വളർന്നു വന്നിരുന്നു.

പെരുമാൾ കാലഘട്ടത്തിനു ശേഷം ആധുനിക കാലം വരെ ക്ഷേത്ര ബ്രാഹ്‌മണ്യത്തിന്റെ നടത്തിപ്പുകാരായവർ വിവിധ നാടുവാഴി കോവിലകങ്ങൾ, അബ്രാഹ്‌മണ ഭൂവുടുമകൾ, നായർ തറവാടുകൾ, ക്ഷേത്ര സ്വത്തുക്കൾ കൈകാര്യം ചെയ്തിരുന്നവർ മുതലായവരായിരുന്നു. ബ്രാഹ്‌മണ്യ മേൽജാതികളായി മാറിയ ജാതി ശൂദ്രരായ മേനോൻ, കുറുപ്പ്, പടനായർ നമ്പി മുതലായവർ വർണ്ണപാരമ്പര്യങ്ങളെ പിൻപറ്റുന്നവരും സവർണ്ണ മൂല്യബോധം ജീവിത ബോധ്യമായി നിലനിർത്തുന്നവരുമായി മാറി. സങ്കീർണ്ണമായ ഈ സാമൂഹിക ശ്രേണീ വ്യവസ്ഥ രാഷ്ട്രീയ അധികാരവും സമ്പദ് വ്യവസ്ഥയുടെ സ്ഥാപന പ്രക്രിയകളും സാംസ്‌കാരിക കോയ്മാരൂപങ്ങളുമായി ഇഴചേർന്നാണ് വികസിച്ചു വന്നത്. ബ്രാഹ്‌മണരും ബ്രാഹ്‌മണ്യമേൽജാതി വിഭാഗങ്ങളും മേൽതട്ടിലും, കുടിസമൂഹങ്ങളും കർഷക കമ്മാള കുടികളും ജാതി അടിമകളും അടിതട്ടിലും വരുന്ന രീതിയിലായിരുന്നു ഈ വ്യവസ്ഥ നിലനിന്നത്. ഈ സമൂഹരൂപം സാമൂഹികമായി ജാതി ഭേദങ്ങളുടെയും സാമ്പത്തികമായി ജാതിജന്മിത്തത്തിന്റെയും രാഷ്ട്രീയ അധികാരത്തിന്റെ തലത്തിൽ നാടുവഴി അധികാര ഘടനയുമായി വളർന്നു വന്നു. ഇരുപതാം നൂറ്റാണ്ടുവരെ ഈ നില തുടർന്നു. ഈ ചരിത്ര പ്രക്രിയ ജന്മ-കാണ-ജാതി ബന്ധങ്ങളായിട്ടാണ് ചേരപ്പെരുമാക്കന്മാരുടെ കാലത്തിനു ശേഷം വളർന്നുവന്നത്. ജാതി-ജന്മിത്തവും ജന്മ-കാണ-കുടിയാൻ ബന്ധങ്ങളും ജാതി അടിമത്തവും പാരസ്പര്യപ്പെട്ട സങ്കീർണ്ണമായ സമൂഹ രൂപവും വേർതിരിവ് സാമൂഹിക ബന്ധങ്ങളുമായിരുന്നു.


പെരുമാൾ കാലഘട്ടത്തിനു ശേഷം ആധുനിക കാലം വരെ ക്ഷേത്ര ബ്രാഹ്‌മണ്യത്തിന്റെ നടത്തിപ്പുകാരായവർ വിവിധ നാടുവാഴി കോവിലകങ്ങൾ, അബ്രാഹ്‌മണ ഭൂവുടുമകൾ, നായർ തറവാടുകൾ, ക്ഷേത്ര സ്വത്തുക്കൾ കൈകാര്യം ചെയ്തിരുന്നവർ മുതലായവരായിരുന്നു. ബ്രാഹ്‌മണ്യ മേൽജാതികളായി മാറിയ ജാതി ശൂദ്രരായ മേനോൻ, കുറുപ്പ്, പടനായർ നമ്പി മുതലായവർ വർണ്ണപാരമ്പര്യങ്ങളെ പിൻപറ്റുന്നവരും സവർണ്ണ മൂല്യബോധം ജീവിത ബോധ്യമായി നിലനിർത്തുന്നവരുമായി മാറി.


സാമൂഹികവും ഇടപരവുമായ വേർതിരിവുകൾ

ചേരകാലത്തു തന്നെ കീഴീടർ, ഇടയീടർ, കാരാളർ, ബ്രാഹ്‌മണ ഇതര ഭൂവുടുമകൾ, ക്ഷേത്രങ്ങളിലെ ബ്രാഹ്‌മണ ഇതര ഊരാളർ മുതലായവർ സ്വകാര്യ ഭൂവുടമകളും ജന്മികളുമായി വളർന്നു വന്നിരുന്നു. ക്ഷേത്ര സ്വത്തുക്കളായ ദേവസ്വവും, ബ്രാഹ്‌മണ ഊരുകളുടെ കൂട്ടായ സ്വത്തായ ബ്രഹ്‌മസ്വവും അന്യാധീനപ്പെടാതിരിക്കാൻ ചേര പെരുമാക്കന്മാരുടെ കാലത്തു തന്നെ വിവിധ നാടുകളിലെ നാട്ടുടയവരുടെ സഹായത്തോടെ കച്ചങ്ങൾ എന്നറിയപ്പെട്ടിരുന്ന നിയമാവലികൾ നിർമ്മിച്ച് സംരക്ഷിച്ചിരുന്നു. ആചാര ബ്രാഹ്‌മണ്യത്തിലധിഷ്ഠിതമായ ക്ഷേത്രവ്യവസ്ഥയെ സംരക്ഷിക്കുകയും ക്ഷേത്രങ്ങളുടെ കൂട്ടായ സ്വത്തുവ്യവസ്ഥയെ അന്യാധീനപ്പെടാതെ നിലനിർത്തുകയും ചെയ്യാനായിരുന്നു ഈ നടപടികൾ. ചേരകാലഘട്ടാനന്തരം ജന്മിത്തവും ജന്മ-കാണ-ജാതി വ്യവസ്ഥയ്ക്കനുസൃതമായ സാമൂഹിക ഭേദരൂപങ്ങളും വികസിച്ചു വരികയും സാമൂഹിക ശ്രേണീകരണം സങ്കീർണ്ണമാകുകയും ചെയ്തു. കാർഷിക ഉൽപാദനപ്രക്രിയ സങ്കീർണ്ണമായി തീർന്നു. ഇടനാട്ടിൽ വികസിച്ചു വന്ന കാർഷിക വ്യവസ്ഥയും കച്ചവട കൈമാറ്റബന്ധങ്ങളും നാണ്യ വിളകളും നീർനില-നെൽകൃഷിയും വികസിപ്പിക്കുന്ന തരത്തിലേക്ക് വളർന്നു. ഉൽപാദക സമൂഹങ്ങൾ കുടിസമൂഹങ്ങളും അടിയാളർ വിഭാഗങ്ങളുമായി തുടർന്നു. കുടികളെയും അടിയാർ വിഭാഗങ്ങളെയും അടിച്ചമർത്തുന്ന ബ്രാഹ്‌മണ-ജന്മിത്തവും അബ്രാഹ്‌മണ ഭൂവുടമാധികാരവും ഇടനില സാമ്പത്തിക വിഭാഗങ്ങളായ കാണക്കാരും പാട്ടക്കാരും ചെറു ജന്മക്കാരും കോയ്മ വ്യവസ്ഥയുടെ പ്രധാന ഘടകങ്ങളായി നിലനിന്നു.

നാടുവാഴികളുടെയും ജന്മികളുടെയും കാണക്കാരുടെയും അധിവാസസ്ഥാനങ്ങൾ യഥാക്രമം നാടുവാഴികോവിലകങ്ങളും തറവാടുകളും വീടുകളുമായി വികസിച്ചു വന്നു. കുടിസമൂഹങ്ങൾ പുരകളിൽ പാർപ്പുറപ്പിച്ചു. അടിയാളർസമൂഹങ്ങൾ ചാളകളിലും കൂരകളിലും കുടികിടന്നു. പുരയും തറയും കുടികളുടെ വാസസ്ഥാനങ്ങളായപ്പോൾ കോവിലകങ്ങളിൽ ഭരണകുടുംബങ്ങളും മനകളിലും ഇല്ലങ്ങളിലും നമ്പൂതിരി ബ്രാഹ്‌മണരും കുടിപാർത്തു. ഈ പാർപ്പുമാതൃകകളും കുടികിടപ്പുരൂപങ്ങളും സവിശേഷമായ മാനവിക വിന്യാസക്രമങ്ങളും ഗ്രാമവ്യവസ്ഥയും കേരളത്തിൽ രൂപപ്പെടുത്തി. ജാതിശ്രേണി നിലനിൽക്കുമ്പോൾ തന്നെ വിവിധ സാമൂഹികവിഭാഗങ്ങൾ വിവിധ ഇടങ്ങളിൽ ഇടകലർന്നു പാർക്കുന്ന രീതിയിൽ കാർഷിക ഇടങ്ങളും പാർപ്പിട രൂപങ്ങളും പാരസ്പര്യപ്പെട്ടും ഇടചേർന്നും വളർന്നു വന്നു.

ബ്രാഹ്‌മണ്യത്തിന്റെ മൂല്യങ്ങൾക്കും പുറന്തള്ളൽ വ്യവസ്ഥയ്ക്കും അനുപൂരകമായി ശുദ്ധി-അശുദ്ധി ക്രമങ്ങൾ ചിട്ടപ്പെടുത്തിയെടുക്കുന്നതിന് ഈ പാർപ്പിടമാതൃകയും ജനവിന്യാസ രീതിയും തൊഴിലിടങ്ങളുടെ പാരസ്പര്യങ്ങളും ബുദ്ധിമുട്ടുകൾ സൃഷ്ടിച്ചു. ഇതുമൂലം കേരളത്തിലെ നമ്പൂതിരി ബ്രാഹ്‌മണ്യത്തിന് സാമൂഹികഭേദരൂപങ്ങളെ മേൽ-കീഴ് വ്യവസ്ഥയിൽ വിന്യസിച്ച് ക്രമപ്പെടുത്തുന്നതിനും അനുഷ്ഠാന വ്യവസ്ഥയിൽ ആഢ്യത്വവും മ്ലേച്ഛതയും അത്യാരോപിക്കുന്നതിനും തദ്ദേശീയവും പ്രാദേശികവുമായ വകഭേദങ്ങൾക്കനുസൃതമായ ശുദ്ധി-അശുദ്ധി ക്രമങ്ങൾ ചിട്ടപ്പെടുത്തേണ്ടി വന്നു. കേരളത്തിലെ കാട്-കടൽ വ്യവസ്ഥയും ഇടനാട്ടിലെ നിമ്‌നോന്നതങ്ങളായ പറമ്പ്-പുരയിട വ്യവസ്ഥയും നദീതടങ്ങളും പുഴയോരങ്ങളും നീർനില കൃഷിയിടങ്ങളായ പാടശേഖരങ്ങളും നെൽവയലുകളും കുട്ടനാടൻ കരിഭൂമികളും കരപാടങ്ങളും സവിശേഷമായ ഭൂമിശാസ്ത്ര വിന്യാസങ്ങളും മാനവിക വിന്യാസക്രമങ്ങളും സൃഷ്ടിച്ചു. പല വിധ ജനസഞ്ചയങ്ങളെയും അവരുടെ അധിവാസക്രമങ്ങളെയും പാർപ്പിടരൂപങ്ങളെയും അധികാര വ്യവസ്ഥയിലേക്ക് ഉൾചേർക്കുകയും പതിതത്വം കല്പിച്ചു പുറന്തള്ളി നിലനിർത്തുകയും ചെയ്യുന്ന രീതി അധികാര വ്യവസ്ഥയുടെ ഭാഗമായി വളർന്നു വന്നു. സാമൂഹികവും ഇടപരവുമായ ശ്രേണികരണമായിരുന്നു ഇതിൽ പ്രധാനം. ജാതി അടിസ്ഥാനത്തിലുള്ള സജീർണ്ണമായ സാമൂഹികശ്രേണീകരണ പ്രക്രിയയും ശ്രേണിതലമുള്ള ജനവിന്യാസ ഇടങ്ങളും വികസിച്ചുവന്നു. ബ്രാഹ്‌മണ്യത്തിന്റെ ആചാര പദ്ധതിക്കനുസൃതമായി ശുദ്ധി-അശുദ്ധി ക്രമത്തിനും സാമൂഹികവും ഇടപരവുമായ പുറന്തള്ളലിനും ഉൾചേർക്കലിനും അനുസൃതമായി ഇവ ചിട്ടപ്പെട്ടു വന്നു. ഇതിനെ ജാതീയമായി വർഗ്ഗീകരിച്ച് ചിട്ടയും മര്യാദകളുമാക്കി മാറ്റുന്ന രീതി ജാതിഭേദങ്ങളെ കോയ്മയും കീഴായ്മയുമായി നിലനിർത്തുന്ന വ്യവസ്ഥയാക്കി മാറ്റി.


നിയമ സ്വഭാവമുള്ള സാമൂഹിക മര്യാദകളാക്കി മാറ്റുന്ന ചട്ടങ്ങൾ ആചാരക്രമങ്ങളായി വളർന്നു വന്നു. ഇങ്ങനെ വളർന്നു വന്ന ജാതി മര്യാദകളെയും ലിംഗഭേദങ്ങളെയും സാമൂഹിക നിയമങ്ങളാക്കി ഗ്രന്ഥപാരമ്പര്യങ്ങളിൽ നിയമാവലികളും പാലിക്കേണ്ട ചട്ടങ്ങളുമാക്കി തീർത്തു. ക്ഷേത്ര ബ്രാഹ്‌മണ്യത്തിന്റെ ദൈനംദിന അനുഷ്ഠാനപദ്ധതിയായി പ്രയോഗമഞ്ചരിയും വിഷ്ണു സംഹിതയും തന്ത്രസമുച്ചുയവുമായി പലമട്ടിൽ വ്യാഖ്യാനിക്കപ്പെട്ട് വികസിച്ചുവന്നു.


നിയമ സ്വഭാവമുള്ള സാമൂഹിക മര്യാദകളാക്കി മാറ്റുന്ന ചട്ടങ്ങൾ ആചാരക്രമങ്ങളായി വളർന്നു വന്നു. ഇങ്ങനെ വളർന്നു വന്ന ജാതി മര്യാദകളെയും ലിംഗഭേദങ്ങളെയും സാമൂഹിക നിയമങ്ങളാക്കി ഗ്രന്ഥപാരമ്പര്യങ്ങളിൽ നിയമാവലികളും പാലിക്കേണ്ട ചട്ടങ്ങളുമാക്കി തീർത്തു. ക്ഷേത്ര ബ്രാഹ്‌മണ്യത്തിന്റെ ദൈനംദിന അനുഷ്ഠാനപദ്ധതിയായി പ്രയോഗമഞ്ചരിയും വിഷ്ണു സംഹിതയും തന്ത്രസമുച്ചുയവുമായി പലമട്ടിൽ വ്യാഖ്യാനിക്കപ്പെട്ട് വികസിച്ചുവന്നു. ഇത് ജാതി-ലിംഗഭേദങ്ങളെ ബ്രാഹ്‌മണ്യ ആചാരങ്ങൾക്കനുസൃതമായി മര്യാദകളും പാരമ്പര്യ ക്രമങ്ങളുമായി ശുദ്ധിയെയും അശുദ്ധിയെയും വരേണ്യതയേയും അടിസ്ഥാനപ്പെടുത്തി സാധൂകരിച്ചു. ശൗചക്രമങ്ങളും ആചാര മര്യാദകളുമായി ആശൗചദീപിക പോലുള്ള കൃതികൾ ഉണ്ടായിവരികയും ചെയ്തു. സ്ത്രീപുരുഷ ഭേദങ്ങളും ബ്രാഹ്‌മണ പുരുഷാധിപത്യക്രമങ്ങളും ആഢ്യ-ആസ്യ ബന്ധങ്ങളും ദാസ-കർമ്മകാര വേർതിരിവുകളും ജാതി അടിമത്തവും പാലിക്കേണ്ട ക്രമങ്ങളായി നിലനിന്നു. ഇതിന്റെ ഭാഗമായിട്ടാണ് മധ്യകാലത്തെ നിയമസംഹിതയായി ശാങ്കരസ്മൃതി പോലുള്ള ഗ്രന്ഥങ്ങൾ രൂപപ്പെട്ടു വന്നത്. സ്ത്രീസമൂഹങ്ങളെ പൊതുവെ ഉത്തമ-മധ്യമ-അധമ ക്രമത്തിൽ വർഗ്ഗീകരിക്കുന്ന ലിംഗഭേദ വിന്യാസങ്ങളും ബ്രാഹ്‌മണരെ മുൻനിർത്തിയുള്ള കുലസ്ത്രീ സങ്കല്പവും ബ്രാഹ്‌മണ പുരുഷാധിപത്യത്തെ അടിത്തറയാക്കുന്ന സ്ത്രീ ധർമ്മ മാതൃകയും പതിവ്രത സങ്കല്പങ്ങളും ചിട്ടപ്പെട്ടു വന്നു. ജാതി പുരുഷാധിപത്യവും ബ്രാഹ്‌മണ ശുദ്ധിവരേണ്യതയും സാമൂഹികബന്ധങ്ങളെയും ലിംഗഭേദങ്ങളെയും മേൽകീഴ്ബന്ധങ്ങളായും പുറന്തള്ളൽ സാംസ്‌കാരിക വ്യവസ്ഥയുമായി നിജപ്പെടുത്തി.

ബ്രാഹ്‌മണ്യവും ഇതിഹാസപുരാണ പാരമ്പര്യവും

മധ്യകാല സാമൂഹിക ബന്ധങ്ങൾ ജന്മ-കാണ-ജാതിവ്യവസ്ഥയെ അടിസ്ഥാനപ്പെടുത്തി വികസിച്ചു വന്നതായിരുന്നു. ഇതിനനുപൂരകമായി സാമൂഹിക ഏറ്റിറക്കങ്ങൾ ജാതിഭേദങ്ങളും കീഴ്‌മേൽ ബന്ധങ്ങളുമായി മാറി. ബ്രാഹ്‌മണ ഇതര ഭൂവുടമകളും ജന്മിമാരും ഇടനില കാണക്കാരും കച്ചവട വിഭാഗങ്ങളും വളർന്നു വന്നു. പണത്തിന്റെയും കച്ചവടത്തിന്റെയും വ്യാപനവും ബഹുവിള പറമ്പു കൃഷിയുടെയും നാണ്യവിളകളുടെയും വളർച്ചയും പുതിയ സാമ്പത്തിക പ്രക്രിയകളെയും സാമ്പത്തിക വർഗ്ഗങ്ങളെയും സൃഷ്ടിച്ചു. വാണിജ്യ കൃഷിയും പറമ്പു കൃഷിയും തമ്മിലുള്ള പാരസ്പര്യം പുതിയതായി കാണക്കാർ എന്ന ഒരു സാമ്പത്തിക വിഭാഗത്തെ സൃഷ്ടിച്ചു. ധനിക മുസ്ലിങ്ങളും സുറിയാനി ക്രൈസ്തവരും ഉൾപ്പെടുന്ന പുതിയ കച്ചവട വിഭാഗങ്ങൾ പണ വിനിമയ പ്രക്രിയയിൽ ഇടപെട്ടു. എന്നാൽ ആചാര ബ്രാഹ്‌മണ്യത്തിനും ജന്മിത്വത്തിന്റെ ഭൂവുടുമ ആധിപത്യത്തിനും എതിരായുള്ള സാമൂഹിക വർഗ്ഗമായി പണവിനിമയങ്ങളിൽ ഏർപ്പെടുന്നവർക്ക് വളർന്നുവരാൻ കഴിഞ്ഞില്ല. ബ്രാഹ്‌മണ്യം പതിതരാക്കിയ അന്തരാള ജാതികളും ജാതിശൂദ്രരും ജന്മികമായി മാറുകയും സാമ്പത്തിക വിനിമയ പ്രക്രിയകളിൽ ഇടപെടുന്ന സാമൂഹികവിഭാഗങ്ങളായി മാറാനും തുടങ്ങിയിരുന്നു. അറിവുരൂപങ്ങൾ, സാങ്കേതിക വിദ്യ, പാരമ്പര്യ വിജ്ഞാനം, വ്യത്യസ്തങ്ങളായ ഭൗതിക വിജ്ഞാനങ്ങൾ, സാമ്പത്തീക വിനിമയ രൂപങ്ങൾ മുതലായവ വികസിപ്പിച്ചത് അന്തരാള ജാതികളും പതിതരാക്കപ്പെട്ട ജാതിശൂദ്രരുമായിരുന്നു. ഇവരുടെ സാംസ്‌കാരിക ഭാഷാ ആവിഷ്‌കാരങ്ങൾ മണിപ്രവാള മലയാളത്തിൽ നിന്നും നാട്ടു മലയാളത്തെ സ്വാംശീകരിക്കുന്ന മധ്യകാല മലയാളമായി വികസിക്കാൻ തുടങ്ങി. ഇതിഹാസ പുരാണങ്ങളെ അടിസ്ഥാനമാക്കുന്ന ഭക്തി ആവിഷ്‌കാരങ്ങൾ കിളിപ്പാട്ടു രാമായണമായി ആവിഷ്‌കരിക്കപ്പെട്ടു. ബ്രാഹ്‌മണ്യ മൂല്യബോധങ്ങളെ പിന്തുടരുകയും എന്നാൽ അതിനെ പരിഷ്‌കരിക്കാനായുള്ള പരിഹാസ ആവിഷ്‌കാരങ്ങൾ കൂത്തു പാരമ്പര്യങ്ങളായും തുള്ളൽ, പാഠകം പറച്ചിൽ തുടങ്ങിയ ആട്ടവഴക്കവും ചൊല്ലുരൂപങ്ങളുമായി വികസിച്ചു വന്നു. കീഴോർ വിഭാഗങ്ങളായ ജാതി അടിമകളുടെയും കുടി ജനസഞ്ചയങ്ങളുടെയും പാരമ്പര്യങ്ങൾ നാട്ടുപാരമ്പര്യങ്ങളായും പാട്ടുവഴക്കങ്ങളായും ആവിഷ്‌കാര പലമകളിൽ ദൃശ്യപ്പെടാനും തുടങ്ങി. കാവു പാരമ്പര്യങ്ങൾ ഇതിൽ പ്രധാനപ്പെട്ടതാണ്.


വാണിജ്യ കൃഷിയും പറമ്പു കൃഷിയും തമ്മിലുള്ള പാരസ്പര്യം പുതിയതായി കാണക്കാർ എന്ന ഒരു സാമ്പത്തിക വിഭാഗത്തെ സൃഷ്ടിച്ചു. ധനിക മുസ്ലിങ്ങളും സുറിയാനി ക്രൈസ്തവരും ഉൾപ്പെടുന്ന പുതിയ കച്ചവട വിഭാഗങ്ങൾ പണ വിനിമയ പ്രക്രിയയിൽ ഇടപെട്ടു. എന്നാൽ ആചാര ബ്രാഹ്‌മണ്യത്തിനും ജന്മിത്വത്തിന്റെ ഭൂവുടുമ ആധിപത്യത്തിനും എതിരായുള്ള സാമൂഹിക വർഗ്ഗമായി പണവിനിമയങ്ങളിൽ ഏർപ്പെടുന്നവർക്ക് വളർന്നുവരാൻ കഴിഞ്ഞില്ല.


പതിനെട്ട്-പത്തൊമ്പത് നൂറ്റാണ്ടുകളിൽ ഉണ്ടായിവന്ന സാമ്പത്തിക പരിവർത്തനവും സാമൂഹിക ചലനങ്ങളും ഭാഷയിലും സാഹിത്യത്തിലും മൊഴി വഴക്കങ്ങളിലും ദൃശ്യപ്പെട്ടു. ഇതിഹാസ പുരാണപാരമ്പര്യങ്ങളെ ക്ഷേത്രവ്യവസ്ഥയ്ക്ക് പുറത്തും ബ്രാഹ്‌മണ്യ ആചാര വ്യവസ്ഥയ്ക്ക് സമാന്തരമായും വികസിപ്പിക്കാനുള്ള ശ്രമങ്ങൾ ഉണ്ടായി വന്നു. ചൊല്ലുവഴക്കവും പാട്ടുസംസ്‌കാരവുമായി പ്രചരിപ്പിക്കുന്ന ഈ പ്രക്രിയയിൽ നാട്ടാശാൻ കളരികൾ മുതൽ അന്തരാളജാതി വിഭാഗങ്ങൾ വരെ പങ്കാളികളായി. ഇതിഹാസ പുരാണ ഭക്തി സംസ്‌കാരവും കാവ്യപാരമ്പര്യവും സാംസ്‌കാരിക പകർച്ചകളും പാട്ടുപൊലിപ്പുകളുമായി വികസിച്ചുവന്നു. ആചാര ഭാഷയിൽ നിന്നും മലയാളത്തനിമയെ സൃഷ്ടിക്കാൻ കഴിയുന്ന ആവിഷ്‌കാര ശേഷിയും ഭാഷാവിനിമയവും പ്രസരിപ്പിക്കുന്ന ജനകീയ തലം കൂടി ഈ ആവിഷ്‌കാരങ്ങൾക്ക് ഉണ്ടായിരുന്നു. ശൂദ്രപതിതരിൽ നിന്നും അന്തരാള ജാതികളിൽ നിന്നും ഉണ്ടായിവന്നതും കണ്ണശപ്പണിക്കാർ മുതൽ എഴുത്തച്ഛൻ വരെ എത്തി നിൽക്കുന്നതുമായ ഈ ഭാഷാ ആവിഷ്‌കാരങ്ങൾക്കും ഭക്തിപാരമ്പര്യങ്ങൾക്കും ജാതിബ്രാഹ്‌മണ്യത്തെ മറികടക്കുന്ന സാമൂഹികവും ദാർശനികവുമായ ഒരു ചിന്താപാരമ്പര്യവും പ്രതിപാരമ്പര്യവും സൃഷ്ടിക്കാൻ കഴിഞ്ഞില്ല. ഇതിഹാസ പുരാണങ്ങളിൽ നിന്നും ബ്രാഹ്‌മണ്യത്തിനെതിരെ

സമാന്തരമായ ചിന്താവ്യവസ്ഥകളെയും പ്രതിസംസ്‌കാരത്തെയും സൃഷ്ടിക്കാൻ ഇതിഹാസപുരാണങ്ങളെ അടിസ്ഥാനപ്പെടുത്തുന്ന ഭക്തി പാരമ്പര്യങ്ങൾക്ക് കഴിഞ്ഞില്ല. ഇതിഹാസ പുരാണങ്ങൾ പ്രസരിപ്പിക്കുന്ന സാംസ്‌കാരിക ബോധനം ഭേദരൂപങ്ങളുടെയും വേർതിരിവ് അസമത്വത്തിന്റെയും ബ്രാഹ്‌മണ്യ പ്രത്യയബോധങ്ങൾ തന്നെയായിരുന്നു. അടിയാർ സമൂഹങ്ങളുടെയും കുടി ജനതകളുടെയും ഭാഷാ ആവിഷ്‌കാരങ്ങളെയും ജ്ഞാനപാരമ്പര്യങ്ങളെയും ഇതിഹാസ പുരാണങ്ങളിൽ അപര സംസ്‌കാരവും എതിർ പാരമ്പര്യവും ഹീന സ്വത്വങ്ങളുമായിട്ടാണ് സ്ഥാനപ്പെടുത്തിയത്. ഇതിഹാസ പുരാണങ്ങളിലെ കീഴോർ-സ്വത്വങ്ങളെ ബ്രാഹ്‌മണ്യത്തിനെതിരായ പ്രത്യാധീശത്വ വ്യവഹാരമായി സ്ഥാനപ്പെടുത്താൻ കേരളത്തിലെ പ്രാഗ് ആധുനിക കാലഘട്ടത്തിലെ ഭക്തി പ്രസ്ഥാനങ്ങൾക്കോ അതിനെ ആശ്രയിച്ചു വളർന്നു വന്ന ഭാഷാ ആവിഷ്‌കാരങ്ങൾക്കൊ കഴിഞ്ഞില്ല. ബ്രാഹ്‌മണ്യത്തിന്റെ അനുബന്ധമായി ഇതിഹാസ പുരാണങ്ങളുടെ കോയ്മാ പാഠങ്ങളെ പ്രാദേശിക മൊഴി വഴക്കങ്ങളിലും നാട്ടുമലയാളത്തിലും പകർത്തുന്ന പ്രവണതയാണ് ഭക്തി ആവിഷ്‌കാരങ്ങളിൽ ഉണ്ടായത്. ബ്രാഹ്‌മണ്യത്തെ ആദർശവൽക്കരിക്കാനാണ് ശൂദ്രജാതികളിൽ നിന്നും ഉണ്ടായ ആവിഷ്‌കാരങ്ങളിൽ ശ്രമങ്ങളുണ്ടായത്.

Thanks for reading Historica! Subscribe for free to receive new posts and support my work.